Ayivugwe Kabemba Mukome
Ayivugwe Kabemba aliri mwana we Bufuliiru. Ali Mufuliiru we Kahamba. Akaya ke Kahamba. Nimuhamagalwa kwi'zina lya Ayivugwe kabemba. Niliri mwana we Bufuliiru, niliri Mufuliiru. Nimusima imwitu, Ibufuliiru, nimusima abandu bayohe, Bafuliiru. Nimusima ne ndeto yitu: Kifuliiru.
Nimusima hoshi na bandu boshi. Niliri mukozi wa Rurema.
Bingi higulu lyani
Nyehe Ayivugwe Kabemba Mukome. Niliri mushukulu mwalimu Bwasi we Kahamba na Uziya. Niliri mugala Mukome Kabemba Léonard na Nakambila Lukuta Loyi. Ngabutirwa mu mbaga yo nimusima bwenene na nimushambalira bwenene. Imwitu tuli bandu tutayishobwiri bya kahebuza haliko kwoshi ngisi kwo Rurema akatulema tumukushambalira.
Nyehe ngabutwa niliri wi'hasha na mukulu wani Byarurema Kabemba. Nyehe nye Butoto naye ye Bukuru. Ngakulira mu kaya ke'Kahamba mu Territoire ye Buvira mu Province ye Sud Kivu, mu Kihugo kye' Congo(RDC). I Kahamba kaliri kaya kitu tumusima bwenene kili kaliri kanini naho. Tukabutirwa mu bitaro bya ku Sucrerie de Kiliba siku 24 mwezi ga Katanu mu mwaka gwe' 1991. Tukatula mu Kihugo kitu imyaka itali na minini imbere lyokutibita ibita. Ngasomera mu Kihugo kitu imyaka ishatu nagho ye'primaire, agandi goshi ngagayukisa mu buhungiro.
Shokulu Mwalimu Kabemba Bwasi(Boaz) na Mungaka Uziya Kalwirwa baliliri bemeezi ba Nahamwitu na Rukiza Yesu Kirisito. Bakatuyigiriza bingi na tukabashaza kwo ibindu bingi, ngo kukolera Rurema ne bindi bingi. Ku zene batakiliri hohe, bakafwa mu kyanya kye bita. Shokulu akafwa mu mwaka gwe 2000, mungaka anafwa mu mwaka gwe'2004.
Amasomo ngasoma galiri 16. Ngatondeeza isomo lya kwanza mu Kaya kitu ke'Kahamba(E.P Kahamba). Nanayusa isomo lya kwanza naho imbere lye'bita ukuhikira imwitu. Isomo lya kabiri nanalisomera ku masomo agaliliri mu Kaya ke' Kagurube II agalikizi hamagalwa Centre Annuarite. Higulu lye bita bya ngisi kyanya no mutula gwalikola munini bwenene, byanahuna kwo tushubi tibita, twanagenda mu Kaya ke Runingu, hofi na kanisa ke Katoliki ke Runingu. Yaho, nanahasomera isomo lya Kashatu ka hashi. Umwaka gukayiji mala twalikola milulamilula higulu lye ndambara. Tukashaga i Runingu twantondezaaga ukutibita ngisi lusiku ubwakwa ubwayira. Twanahika ne'Kiliba, ne'Buvira, twabuli yiiji jabuka mu Kihugo kye Burundi. Mu kino Kihugo mwo ngasomeraga agandi ukuhisa ku Université.
Baba akandabala bwenene mu bindu bingi halinde no kutola byo ngasoma yewalikizi ndabala bwenene.
Byonimuyaandika
Mu bindu byooshi nimusima bwenene kuli kusoma bino na biliri no kuyandika. Imikolwa mingi yo kera nakola nimuyandika nyenene.
Byonimuyandika biliri bigabure mu kubiri. Amagambo ngana ne bindi ibimuyandikwa higulu lyo kudeta kwo ibinabwenge bibiyuvwe no kubisobanukirwa. Bino bimuhamagalwa Langages de programmation mu kifaransa kandi li Programming Languages mu Kingereza.
Ne'ndeto ze bina bwenge nimukolesa haliri : Java, Dart/Flutter, HTML, CSS, Javascript(ninini).