Guno mukolwa guliri hano higulu lya ngisi Mufuliiru higulu lyo kudeta kwo tuzamule indeto yitu. Tukole ahatali na hanini haliko tutazi hia tulozizi higulu abandu bingi batazimenya guno mukolwa. Kera twakola bingi.

1. Radio Ibufuliiru. Lenga hano

Liwangaba ulozizi ukumenya guno mukolwa guli gwabiki, ishuvyo lyo lerino. Guno guli mukolwa uguloziri ahandu ahamuhamagalwa IBUFULIIRU, mu Territoire ye'Buvira(Uvira), mu Province ye SUD-KIVU, mu kihugo kye'Congo(RDC).Guno mukolwa gutali gwa polotike kandi li'bindi byoshi ibyangashushana na yohe. Tuli bandu ngana na tulozizi ukuzamula imwitu, indeto yitu : Kifuliiru, n'abandu bitu : Bafuliiru.

Yuvwiriza bingi bwenene hano :

Tuliri Bafuliiru, tumusima indeto yiitu Kifuliiru. Tukayandika mu Kifuliiru higulu imyazi yiitu tutabanini ukuyami giyandika mu ndeto ya'handi handu. Tubanini ukuandika mu ndeto yiitu : Kifuliiru. Kuguma na yibyo, ku kyanya kera twayandika amagambo mingi mu Kifuliiru, bigatuma indeto yiitu ilonge ibndu bingi biyandike mu yohe.

Zene twasima ukutondera ukukolesa ikibaja tukahamagala Ibufuliiru Zene. Tulozizi tukizi menyesa ibikaba ku ngisi lusiku imwitu Ibufuliiru. Kuti twangaloga ino myazi ku ngisi lusiku? Kino kiliri kibuzo kihamu bwenene.

Tugakizi loza imyazi ikayandikwa no kubuza abandu abangaba bakengeri ibikaba ku ngisi lusiku. Ino myazi igweti imisi mingi higulu tutabanini ukuyubagira imyazi ye'mwitu.

Ku kynaya kyoshi twangabera tutazimenya imyazi ye'mwitu ngisi lusiku, tugaba kera twavuta ibindu bingi bwenene ku twehe. Ne ngingwe, tubanini ukubika imyazi yo nitu tugasigira bana bitu higulu lyo kudeta kwo tutatereka ne'bibusi ibigayija bitatereke.

Umukolwa Tumenye Ibufuliiru guliri hano higulu lyo'kudeta kwo tushoboze Umufuliiru yeshi ukudeta kwo asobanukirwe bwenene imwitu. Imyazi ye'mwitu ibanini ukubikwa no kumenywa na twehe twe'bene nayo. Yuvwiza bwija amagambo agagweti gagadetwa na Ayivugwe Kabemba mw'ino video.

Abafuliiru baliri Bakongomani, bandu ba mu Kihugo kye'Congo(République Démocratique du Congo.) Batuziri mu Territoire ye'Buvira, Province ye Sud-Kivu, mu Bwami bwe'Bufuliiru. Bamagnula indeto imuhamagalwa Kifuliiru.

Abafuliiru bamuganula indeto imuhamamagalwa Kifuliiru.