top of page
Imigani iliri njira nguma mu njira nyingi umundu angakoleesa mu kuganuula na mu kuyandika. Imigani imutabaala ukudeta kwo umundu atayami hulukaana ngisi nyo angaba aloziizi ukudeta, haliko analengere mu njira igahuna kwo ngisi uwabwirwa yibyo naye abere ayiji yugwo mugani. Kuliri kuganuula mu njira y'akambishwa. Umufuliiru naye agweti imigani ngisi yo aliri mukoleesa, na bino binayerekane kwo indeto yitu Kifuliiru iliri ndeto ngale bweneene. Tugweeti imigani mingi mu Kifuliiru. Hano twakibiika imigani ngisi yo kera twaloonga naho. Haliko tugakola ngisi kwo tushobwiri tukizibiika ngisi kwo ngisi mugani gudesiri.
Imigani Ye Kifuliiru mu Kifuliiru
Ho'mundu atali, mbu gahabiikwa.
Honyo-honyo, ye kizi zihonyola imitondo.
I bwami yo ituula ingulube.
I mushubo itagalukirwa.
Ibindu bitagerwa lukogo.
Ibindu byombo.
Ibiti ibiri haguma byo bisyekana.
Ibunda litagira mwira.
Ibuye keera iryaboneka, litangaki yita ifuka.
Ifuka itahinga, itabula ingishi.
Ifuuvi igakira itagira mwandandwe.
Ifuuvi itasara ibilunge.
Ifuuvi ndaazi, ikahanga igindi ukulerwa.
Igania itakunga.
Ihiniini higerwa ibuye.
Ihinyuni hiniini hyo hiluza amashala.
Ihinzogoro hitanywera mu mahumba.
Ihumba, iri inaniiri.
Ikihugo kizira mwami, iri kifwiri ĺkihuuzibwa kitalama.
Ikijumbu kigonde kitagondoolwa.
Ikikoba kiyikululira amakala.
Ikikozi iri kyangalya ihaazi, kinahinduke nyunda.
Ikinwa kihuluka ne'mbali.
Ikisuure gutali musonga.
Ikisuure kya boto kitabuza ingaavu ukushoola.
Ikiti kigololwa kikiri kito.
Ikiti kihundwa na'matavi.
Ikiti kinunu kikizi twibwa kwe'ngoma kabiri.
Ikiti kiri matavi kitagwa bwija.
Ikitugo kitangasumba itwe.
Inyoota itamalira ha lwiji, iri ndogano.
Iri habula úwi'twe itabaagwa.
Iri kagalama kataliibwa na kaabo.
Ishamamba yo'mugiikulu inagana si itatwika.
Ishombana itasiga akaaya.
Isiga liguma litahiisa nyungu.
Isiku mbindu.
Kagayirizo atahama itwe. Kamama kanatungulwe.
Kashaaga ho kagatenda, kanagende ho kagalunguluka.
Katayishiigirwa.
Kere úyihandula ku baabo akizi gendi gumba.
Kere úziga i rugundu ye luhereka.
Kikulu nvwi atali kikulu ihano.
Kilongomera akalongomera ubuhanya.
Kundu amiiji gangaduuta gatangayibagira imwabo mbeho.
Kwo wangiziri atakirwa.
Kyo'mundu ali mu manika abwatiiri, akizi kimanula bwimanga.
Lange-lange akalanga ikitali.
Lukumbira mwami si lutakumbira umuganda.
Maama nie, atali nga maama twe.
Mba mbaane atagira buhaane.
Waloonga imigani yooshi
bottom of page