Ibija bye'bitumbwe bibishi ne'bihiiri ku mundu

Ibitumbwe bimushaga ku biti. Bililiri bindu ibyangalibwa ne kindi kyanya binabe bitali byakulibwa. Hano twamuganula kubilya byooshi ibimulibwa.

Ku balya abakasomera ubuganga na ngisi kwotuyiji, ibitumbwe (kandi li amatunda), bigweeti akamaro kahamu bwenene ku mwana wo mundu. Ku mundu yeshi umulya ibitumbwe amulonga ibindu bingi byokutabala umwego gwage binatume uno mundu agaba no'burambe bwija bwenene.

Ibitumbwe bihimini nga ngisi kwe'bindi byokulya byooshi bihimini. Hali ibimutabala nga muti ibindi binakole nga byo'kutabala umwego kulonge abasoda mu magala. Ngisi byotumuhamagala vitamines mu ndeto ye Kifaransa, ibingi bimushaga mu byebyo bitumbwe. Nga ngisi kwo kera twadeta, umundu umulya bwenene ibitumbwe agweti uburambe ubuhimi no'lya utamubilya.

Kuti twangalonga ibitumbwe?

Ibitumbwe bimushaga ku biti. Ukudeta kwo tulonge ibitumbwe tubanini ukubilima kandi li tubisume ikaguliro. Ku bandu nga twehe twetutuziri, ku bingi bitu, hofi ne'ndalo tushubi banini ukumenya ngisi kwo twangahika bilya byoshi ngisi byotwangaba tutagweti imwitu. Hano haliri umulali muhamu bwenene higulu imwitu Ibufuliiru tutamulya bwenene nga ngisi kwo bibanini. Ku balya abamulonga indimu kandi li mandarines bamuzilya ku lugero ulutaliri higulu bwenene. Tubanini umuyiga no kuyigirizibwa ngisi kwo'twangahinga na biki twangahinga higulu lyo'kudeta kwo tuzamule ngisi kwo tumulya ibitumbwe imwitu.

Bitumbwe biki byo'mundu angalya bwenene?

Twasima ukubika guno mwazi gwe'bitumbwe higulu tumenyese abandu booshi ngisi kwobangakizi bilya no'kubilima. Mu myazi ikakulikira tugakizi ganula ku ngisi kitumbwe kiguma kiguma ne'bindi byokulya.