Ifwi, byo'kulya bya'Bafuliiru

Ifwi, byo'kulya bya'Bafuliiru

Ibufuliiru, tumusima bweneene ukulya ibyokulya bingi. Tumulya bwija ku kyanya tumuba twabilonga. Umufuliiru yeeshi akomiri ukulya ibyokulya ibigizirwi ahingi ne'kyanya kini no'bundu. Yubo bundu amubulisa ishogo nyingi.

Ku kyanya kyooshi tumuyimbula, tumulya ibiringini. Haliko ikyanya bimuba byabulika, tumulya ibyoumuba twalonga.

Mu shogo Umufuliiru amusima, ifwi ziri mwo. Zangaba bishi kandi li inyumu. Umufuliiru amusima bwenene ukulya ubundu. Angalya ibishogoshogo haliko ikyanya kingi amusima ukulya ihyamiru (ishogo hya'magezi). Ifwi ziliri mu shogo Umufuliiru yeshi amamusima. Butali bulwazi, Umufuliiru atangasigwa ku fwi.

Ifwi tukomiri imwi, hali :

• Ingenge : Zino ziushaga mu maji mingi imwitu. Mu Lushiji, kandi li mu zindi nyiji kiri iziri muhinnga mu twaya na mu migazi ye'mwitu.

• Mukaka : Umukaka gumushaga mu Tanaganika. Abafuliiru bingi, umukaka ziliri shogo zobamusimbaha no'kusima bwenene. Umukaka mumu munda injanga zimushaaga.

• Mikeke : Umukeke gumushaga mu Tanaganika. Abafuliiru bingi, imikeke ziliri shogo zobamusimbaha no'kusima bwenene.

• Amaranje : Amaranje tugayiji mu lwiji lwa mu kaya akamuhaamagalwa Kahamba.

• Ibikwara : Ibikwara ziliri fwi nunu bweneene iziliri mu nyaja ninini ikakolwa mu migazi ye'Bufliiru imuhamagalwa Katobo.

• Njombo : Zino ziliri fwi izimushaga mu maji agaliri mwe'kidaka kingi nga mu Nyangara.

• Izindi fwi zooshi ze;mwitu na handi hoshi.