Kifuliiru

Muyegerere Ibufuliiru Bafuliiru Kifuliiru Tumenye Ibufuliiru. Kifuliiru

Indeto yitu Kifuliiru iliri ndeto imuganulwa ku kihande kihamu bwenene na twehe Bafuliiru. Iliri ndeto novu na nyija ukuganula. Inaliri na ndeto ngale mu magambo mingi na gohe gonene magambo mija.

Ikifuliiru iliri ndeto ishushini bwenene bwenene ne gindi ndeto ya bene witu Abanyindu, imuhamagalwa Kinyindu. Nga ngisi kwe ndeto tumuhamagala mu kifransa "langues bantoues" ziliri, umugwana ikyanya kingi amagambo gangaba mu ndeto nguno ganashubiba mu gindi ndeto. Abingi abatazisobanukirwa yibyo bamukengeri lahira ukuganula kandi li ukudeta yago magambo higulu ngamukengeri yuvwikana ka nge'mahanga.

Indeto zoshi za'bandu abaliri hofi na hofi zimkuberana amagambo agamuba gashushini mu njira nguma kandi ili igindi. Indeto mbamu zotuyiji nge Kingereza, ikifransa, Kiswahili ne zindi nyingi tugagwana kwo zigweti amagambo gokutiiza kandi li gangayandikwa kwokulya kwokulya mu ndeto zombi. Kubenge yukwo, nitu tutangayuvwa bulingo nge kyanya twangagwana kwo indeto yiitu igweti amagambo agashushini na ge gindi ndeto.

Twe Bafuliiru twe tukwanini ukugendereza indeto yitu mu njira zoshi.