Kifuliiru ku Spotify
- Ayivugwe Kabemba
- Jun 9, 2022
- 2 min read
Kifuliiru ku Spotify, iliri video iyakolwa na benewitu bo'mukolwa Tumenye Ibufuliiru higulu luyo'kuyerekana ngisi ho kera bahisa indeto yiitu ye Kifuliiru. Bano benewitu banabe bagweti bagakola bweneene nga ngisi kwo tubwini higulu lyo'kudeta kwo bazamuule indeto yiitu Kifuliiru. Indeto yiitu iliri mu ndeto nyingi izitagweti ibindu bingi bweneene ibiyandike kandi li ibikole mu yohe. Banabagage bakasima ukukola higulu indeto yiitu niitu ilonge ibindu ibiyandike mu yohe. Bakola siku bagweti bagakola, banabagage bakolera ahatali hanini higulu bagweti bagalenga mu njira zoshi ukudeta kwo bazamule indeto yiitu.
Kushaaza yaho ku Spotify, banabe kera babika indeto yiitu hingi nganangana. Binabonesiri kwo bayiji byo'bagweti bagakola. Yibyo binalete ubushabale buhamu bweneene na'malega mingi bweneene kutwe'Bafuliiru.
Tuliri Bafuliiru, tumusima tubone nitu ngisi kwe'ndeto yiitu igazamuuka. Ngisi yeshi umuleta umukolwa ugwangatabaala indeto yiitu tumugushambalira no kusimisibwa na yugo mukolwa na ngisi abagugwajika.
Ino video igeti igayerekana ibinyerere bibiri ibibonesiri kwo byo'bihamu. Ayivugwe kabemba, uyimangiri guno mukolwa, ye'wanabika ino video ku kibaja kyabo ku YouTube atubwira kwo basima ukuyerekana ikyanya bayemererwa kwo bangabika umukolwa gwa'mazu mu Kifuliiru ku Spotify. Naye atubwira ashambala bweneene ikyanya babona kwo bayemererwa. Ikineyerere kya kabiri kigweti kigayerekana ngisi kwo umukolwa gwabo gugweti gugabonkana ku Spotify. Balengalenga hingi higulu lyo'kuyerekana ngisi kwo'mundu angalonga yugwo mukolwa yaho ku Spotify. Mwangagulonga hano https://open.spotify.com/show/7zgb7gdG8P3nh5m0V6XPPj
Twalamusa. Twasima ukumenysa ngisi Mufuliiru kwo tukoli gweti ikibaja ku Spotify. Kino kibaja kinabe kiliri yaho higulu lya ngisi muguma witu, tuganula na tuyuvwirize indeto yiitu. Kuguma na yibyo, twalalika ngisi muguma witu na yesho uwangasima bweneene ukumenya bingi higulu lye'ndeto yiitu, TUYEGERERE TWESHI. Ugweti bingi wangasima ukuyigiriza kandi li ukumenyeesa abandu bitu, uyegerere. Mwangatuyandikira ku imyazimukifuliiru@gmail.com. Tukola hingi ku zene, mwangatulogeza ku Facenook, ku Twitter, hano ku YouTube, kandi li mutulogeeza naho ku Google. Muyandike igambo Ibufuliiru. Kongwa.
Mwangasima ukutuyandikira hano ku namuyehuulo witu, mulenge hano >>.
The physics of basket random produce amusing, impromptu moments that will keep you alert. Shooting as many baskets as you can is your straightforward objective, but you never know what will happen next!