Tuzamuke
- Ibufuliiru Imw'a Bafuliiru
- Sep 1, 2021
- 1 min read
Tuzamuke liliri gambo lye'Kifuliiru ilimuyerekana kwo'hali umundu ugweti ugabwira kandi li ukukengula kandi li ukuhamagala ababo ukudeta kwo bagende higulu. Uno ngisi umuba agweti agabwira ababo naye ayuvwikini ukuba aliri muguma wabo. Ukuzamuka kuliri kugenda ku lugero ululiri higulu ukuhima ngisi hwo'mundu kandi li'kindu kyangaba kiliri.
Tuzamuke; lino gambo liguma likakolesibwa ng'itwe lya'magambo mu video ikakolwa no'mwana witu Mufuliiru umuhumagalwa kw'izina lya Ayivugwe Kabemba. Uno naye aliri mwana witu umusima bwenene ukudeta kwo indeto yitu yangazamuka bwenene ne'mwitu nayo inazamuke. Ayivugwe aliri mukozi wa Rurema, amusima bwenene Ikifuliiru. Ayivugwe agweti agagwasa abandi bandu mu kubayerekeza kwo indeto yitu nayo yangahika hala.
Mu magambo mahamu agageti gagaganulwa mw'ino video, muliri ukuyerekana umukolwa Tumenye Ibufuliiru. Guno mukolwa nagwo guliri hano higulu gutugwase tweshi tumenye na tusobanukirwe bwenene imyazi ye'mwitu, tusime na tumenye imwitu. Amagambo gagenderiri ukuyerekana ngisi ho twehe Bafuliiru twangabera tuliri, na hoshi munda abandu tulozizi ukuhisa ikifuliiru. Ino video imumala mukuhamagala ngisi Mufuliiru ukudeta kwo tukole li tuzamula indeto yitu : Kifuliiru.
Iyo video iliri yeno hano :
Ayivugwe amusima bwenene ukuyandika mu Kifuliiru mu kuloza ukugwasa no kuleta ubutabazi ku ngisi kwo naye ashobwiri higulu lye'ndeto yitu. Amukolesa ngisi byayiji mu byo'buhinga buhyahya, anabikoleage higulu lyo'kugendereza indeto yitu.
Ibindi bishushanyo ibikakolwa na Ayivugwe Kabemba biliri bino :
Comentarios