Imigani

Hyana hye kiti ikikiliri kito.

Imigani galiri magambo agatamutondobola ibyo'mundu alozizi ukudeta kubweranyange. Galiri mangabo agalimukolesibwa ganabe gagweti akambishwa mu gohe. Yako kambishwa kali musobaanurwa no'yiji yugo mugani.

Imigani gatula magambo go tumukolesa bwenene na gakakolesibwa na'bagikulu bitu ukoloza ukumenyesa ikindu kilebe. Ingingwe imigani imukolesibwa mukuloza ukuyerekeza umundu ku kindu kyangaba alozizi ukukola nga njira yo kumuhanula.

Imigani italiri ya zene. Ikakolesibwa kare na kandi ishagini ne'ndeto.

Mu Kifuliiru tugweti imigani mingi na kandi ili mugwaasa indeto yiitu mu kuyerekana kwo tugweti indeto ngale: Kifuliiru. Tubanini ukumenya imigani ye'ndeto nitu na tubanini ukukizi gikolesa na kasisa kasisa higulu tukizi menya bingi no kumenya ukukolesa amagambo mayigale mu kuganula. Tugweti indeto ngale ne'yijwizi imigani ya ngisi bulyo ne'yangakolesibwa mu ngisi lugero lwo'muganula.

Imigani iliri mugwasa abandu bakuze indeto yabo. Imigwasa bwenene ukukolesa ubwenge mu kugideta na mukugisobaanura. Byobitumiri ku ngisi yeshi umuba uyiji imigani bwenene alimubonekana nga mundu uyiji bingi; kwo binali.