top of page
Imyazi. Imyazi mu Kifuliiru. Loonga imyazi mu Kifuliiru. Umenye ibigweti bigaba Ibufuliiru, Ibuvira, Imu Sud-Kivu, mu Kongo RDC, ne' mahanga mu Kifuliiru. Kifuliiru ndeto ngale. Kifuliiru ndeto ya'Bafuliiru. Kifuliiru ndeto ye' Bufuliiru, Kifuliiru ndeto nyija. Ukuyandika imyazi mu Kifuliiru bigatabala indeto yitu Kifuliiru ihike hala, igenderere. Tukole, tuyandike imyazi mu Kifuliiru, ibindu bingi mu Kifuliiru.

Kifuliiru, ndeto yiitu


Kifuliiru, ndeto yiitu
Kifuliiru, ndeto yiitu

Ngisi Mufuliiru yeeshi amusima indeto yiitu, Kifuliiru. Ngisi ndeto igizirwi ne'bindu bingi. Indeto yooshi imutula ina muyama imuloza ngisi kwo yangazamuka ukudeta kwo igenderere ukubahohe no'kuzamuka. Bino bimutuma abandu bingi bangayitanga higulu lyo'kudeta kwo indeto zabo zizamuke, zinagenderere ukugenderera imbere.


Ku twehe twe'bafuliiru, tugweeti umukolwa muhamu bweneene gwo'tubanini ukukola higulu indeto yiitu igenderere ukubahohe. Tukengere kwo mu ndeto zooshi izimuganulwa hano hashi ly'izuba, haliri indeto mbamu haliri ne'ndeto nini. Mu ndeto mbamu imuyiji mu kibaaja kya'mbere iliri ndeto ye KINGEREZA. Twangalangiza hano hidako ku kino kizushashanyo higulu tulole ngisi kwe'ndeto zikulikirini.


Indeto mbamu hano hashi ly'izuba mu 2021
Indeto mbamu hano hashi ly'izuba mu 2021. Huma ku kino kizunguuza umenye ngisi hotukashaza kino kizunguza ku namuyehuulo : https://www.statista.com/

Tubwiini kwo hano ineto ya mbere kiliri KINGEREZA. Ino ndeto imuganulwa ahandu hingi bwenene hoshi hashi lye'zuba. Ino ndeto iliri mu bindu bingi bweneene mu bya'masomo na'byo buhinga buhyahya. Byoshi byowangasalira umenye kwo indeto ye'Kingereza iliri mu bindu bingi. Indeto ya kabiri iliri ndeto imuhamagalwa Mandarin. Ino ndeto imuganulwa na'bandu be'kihugo kye Chine. Haliri indeto ye'Kihindi ne'zindi. Ku twehe twe'Bafuliiru, mu kihugo kitu kye' Congo, tukasoma mu ndeto ye'Kifaransa. Haliko i Kifaransa kiliri ku lugero lwa'kalinda(7). Indeto yiitu Kifuliiru yohe iliri hayi?


Ibikatuma tubike guno mukolwa hano kuliri kudeta kwo tuzamule indeto yiitu. Ukudetesa ukuli, indeto yiitu iliri hala bweneene. Tubanini ukukola higulu tugizamule.


KIFULIIRU NDETO YIITU, guliri mukolwa ugukagwajikwa no'mwana witu Mufuliiru umuhamagalwa #AyivugweKabemba mu nzaliro zo kudeta kwo tugwasanye tuzamule indeto yiitu. Tugagenderera ukuyadika no kudeta bingi higulu lye'Kifuliiru, ndeto yiitu. Yija tubere kuguma tuzamule indeto yiitu. KIFULIIRU NDETO YIITU igatugwaasa tumenye bingi na tukizibilonga mu njira nyofi bweneene mu kukolesa ubuhinga buhyahya.

Comments

bottom of page