Biki kera ibyayandikwa mu Kifuliiru?

Umufuliiru ali mundu ukayama hohe. Ali mundu uwalikizi kolesa injira ya’kanwa no kutwiri mu kuemnyesa no kumenya imyazi. Bino byanamutabaala ukugendereza imyazi ngisi yalikiziba asimiri ukumenyeesa kandi li ukumenya.

Mu bandi bandi, ukumenyeesa imyazi nabo balikizi koleesa ino njira yo’kutwiri ku kanwa kandi li akanwa ku kutwiri, haliko banayongerage kohe ukuyandika. Twehe Umufuliiru ino njira yo’kuyandika itanabagage yalikoliyijikini. Ikyanya kyoshi kyo’Mufuliiru akaramba tutayiji ngisi kwangamba alikzii yandika, tutanayiji li ibiri ukuli alikizi yandika higulu ndabyo ibikayandikwa kare byo tushagibona. Bino binatume tugayemera kwo ndabyo bya’kayandika mu myaka ya kare bweneene.

Ku zene bikagi byo kera Umufuliiru ayandika?

Ukudeta kwo tumenye biki byo kera Umufuliiru ayandika, tubanini tutemenya kyanya kiki Umufuliiru akagwajika ukuyandika kandi li ukuemenya kwo umundu angayandika.

Buzira mbuzimbuzi zozoshi, twangayemerezania kwo Umufuliiru akolonga zino nzaliro zo’kuyandika ikyanya Umuzungu akayija. Bano banaleta buno bwenge no bulyo bwo’kuyandika. Tumenyeese kwo bigni mu bano bali bakozi ba Rurema. Bobakatabaala bweneene.

Nyandi ukyatabaala ukudeta kwo indeto yiitu Kifuliiru iyandikwe?

Ku Mufuliiru, tutagweti akasisa ku ngisi uwangaba wa mbere ukuyandika mu Kifuliiru, haliko tuyiji kwo umundu uli muberangirwa Roger na mukage bakakola umukolwa muhamu bweneene.

Biki ibiyandike mu Kifuliiru?

Twahikaga ku kibuuzo tubanini ukushuvya. Ku zene Umufuliiru akoliyiji ukusoma no kuyandika, kera akola bingi. Ibiyandike mu Kifuliiru bikola bingi kiri bitazi luguuka ibiringini.

Ikitabo ikiyandika ku ndambo mbamu kiliri kitabo ky’Igambo lya Ryrema tuyiji nga Bibiliya. Kino kyo kikola kihamu bweneene kyo kinayijwiri hahamu bweneene. Hali ibindi bitaabo byotugakilooza ukudeta kwo tumenye ibiyandike mu ndeto yiitu Kifuliiru.

Tugweti tugakola higulu tuzamuule indeto yiitu, ibiyandike mu Kifuliiru bigenderere ukuluguka.

Tugweti namuyehuulo mu Kifuliiru. Mwangamubona hano : fuliiru.com

Ugundi namuyehuulo mu Kifuliiru aliri hano : Ayivugwe Kabemba

Ugundi hano : Ibufuliiru

Kongwa.