Kifuliiru ku Amazon Music

Kifuliiru ku Internet. Kifuliiru ku Amazon Music

Ku zene tutakiri bandu bakulolekeza naho ibiggweti bogakoleka na ngisi byo abandi bandu bagweti bagakola kulengera mu njira yo'buhinga buhyahya. Umufuliiru hoshi haliri, ayiji anakoligweti naye injira angalengamwo higulu lyo'kudeta kwo naye atasigale inyuma mu ngisi byoshi byo abandi bagweti bagakola.

Bino binatume Abafuliiru abatali na banini mu zino siku bagweti bagakola mu njira nzoshi na ngisi kwoshi kwo bayiji higulu lyo'kudeta kwo indeto yitu ilonge ibiyandike, ibidete, ne bindi bingi mu Kifuliiru. Indeto yitu itagweti ibindu bingi twangalooza ku Internet. Ku benge yukwo, bimuba bikayu bweneene ku bandu abagalooza nge'myazi ku ndeto yitu kandi li mu ndeto yitu.

Umufuliiru kera asoma. Ne'ngingwe, kera asoma ibindu byo'buhinga buhyahya. Umwazi mwija, Umufuliiru li amuba kera asoma ikindu kwokwoshi kulya kwo kyangaba, amuyamikishobola nganangana. Tugweti abana bitu kera abatushaaza ishoni mu kuyerekana kwo Umufuliiru atali mundu munini haliko aliri mundu nga bandi boshi.

Mu nzaliro zo kudeta kwo indeto yitu Kifuliiru igenderere, ne'ngingwe ihike ku bwingi ku Internet, Ayivugwe Kabemba kera akola bingi bweneene mu kukumania imyazi iliri mu kwingi ukugihisa ku Internet. Mu yibyo bindu muliri : Kifuliiru ku Internet. Kifuliiru ku Amazon Music. Mwangayuvwiriza bingi yaho ku ngisi kera ibyaganulwa mu bihiiza bya'Bafuliiru.