Wangasima ukubika imyazi yawe kandi li imikolwa yawe ku Internet mu Kifuliiru?
- Ibufuliiru Imwa Bafuliiru
- Jul 20, 2022
- 1 min read
Wangasima ukubika imyazi yawe kandi li imikolwa yawe ku Internet mu Kifuliiru? Ino video iliri mu YouTube ku kibaja kya'Bafuliiru ikiliri muberangirwa Ibufuliiru. Mwangakizatira munabone bingi ibigweti bigkolwa na bano benewitu asimiri ukugendereza indeto yiitu ye'Kifuliiru. Bagweti amalega mahamu no bushambale bwingi higulu lyo'mukolwa bagweti gwo'kutabaala ngisi Mufuliiru.
Muno mu ino video mwenewitu wa Ayivugwe Kabemba Mukome agweti agalalika ngisi Mufuliiru uwangasima ukubika imyazi ku Internet ayije gira batabaale umukolwa gwo kudeta kwo indeto ye Kifuliiru ilonge ibindu bingi biyandike mu yohe.
Akasisa, zino nzaliro ziliri nyija bweneene higulu indeto yooshi igizirwi na ngisi kwo imuganulwa na ngisi kwo iliri nyandike. Byo bitumiri bano benewitu basimiri bweneene ukudeta kwo bangazamula indeto yiitu ye'Kifuliiru.
Ka mwangasima ukukola yukwo ngisi kwagweti agalalika ngisi Mufuliiru, mubayandikire mutabule ninyu ku guno mukolwa. Mwangalenga hano
Comments