Tusomeese abana bitu bwija

Tusomeese abana biitu bwija iliri video ikakolwa na mwenewitu, mwana we'Bufuliiru mu Kifuliiru. Agweti agaganula bweneene higulu lyo'kudeta kwo Umufuliiru abike umwana wage kandi li abana bage ku masomo. Ne'ngingwe, nga ngisi kwo uno mwenewitu agweti agadeta, tubabike mu mazomo mija.

Ibiri ukuli buli bushambale buhamu bweneene ukubona kwo nitu twe'Bafuliiru tukoligweti abana bitu abakola musalira kuno banayemere ukubihikiza abandi bandu. Bino bigweti bigayerekana kwo Umufuliiru atabwatiri, atanahulisiri naho. Haliko agweti agasalira no kukola bweneene higulu lya ngisi kindu ikiloziri Umufuliiru ne Bufuliiru ne Kifuliiru.

Uno mwenewitu agwajika no kuyerekana ngisi kwo atakola siku agweti agasalira ku gano magambo. Alikizisalira higulu lyo kudeta kwo aganule na ngisi Mufuliiru higulu lyo'kudeta kwo tusomeese abana bitu. Ibija bya'masomo biliri bingi bweneene. Ne'ri twangaba tugweti tugayandika zene no kukoleesa ibindu bingi iliri higulu tugweti ho'tukahikiza mu masomo. Nga ngisi kwo uno mwenewitu agweti agadeta, tutalozizi kwo abana bitu bangasoma banahikize hanini naho, haliko tulozizi abana bitu basome amasomo ga'kaberambaga. Bino bikwanini, byo'tunalozizi ku kino kyanya tukolamwo. Kutagi kwtugasomeesa abana biitu? Biki byo babanini ukusoma? Hayi ho babanini ukusomera? Tugagenderera ukukulikirana gano mambo tuyuvwe inzaliro zage.

Haliko ku byoshi byotugakola, kera twabona kwo tugweti abana bintu abakoliyiji bingi nabangakoli tabala. Tukengeeze kwo Ayivugwe Kabemba Mukome ye'kagwajika umukolwa Ibuuliiru kandi li Tumenye Ibufuliiru.