Umukolwa : Tumenye Ibufuliiru

Ibufuliiru - Tumenye Ibufuliiru imwa Bafuliiru ne Kifuliiru

Umukolwa Tumenye Ibufuliiru guliri mukolwa ugukaletwa mu nzaliro zokudeta kwo tugwasanye tuzamule imwitu, abe'mwitu ne'ndeto yiitu, Ikifuliiru. Guno mukolwa gukasalirwa bwenene na gukakolwa no muhinga mu binabwenge. Ku zene kera gwagenderera bwenene na gugenderiri ukuzamuka no kuyigula izindi njira nyingi zokudeta kwo abandu bagumenye na bayunguke bwenene ku byoshi ibigweti bigakolwa.

Guno mukolwa guli hano higulu lyo kudeta kwo gutugwaase twehe Bafuliiru. Nga ngisi kwi'twe lya guno mukolwa liliri : Tumenye Ibufuliiru, guno mukolwa gulozizi ukutugwasa tweshi tumenye imwitu Ibufuliiru, tumenye byooshi: Utwaya, inyiji, abandu, abatwaali, imigazi, utubanda, ne'bindi byoshi byo'mundu angasalira. Guliri hano ne milyango iliri miyugule higulu lyo kudeta kwo yeshi uwangaba ugweeti inzaliro kandi li ibibuzo alonge ngisi hangadetera.

Ibibonesiri kwo guno mukolwa gukasalirwa mu njira yo kuyigula injira ne milyango ku bandu booshi, guno mukolwa gutaliri naho mu magambo haliko namuyehulo uno akolaho, guliri na'handi hoshi ho wangasalira ku Internet. Wangagulogeza ku Facebook, ku Twitter, kandi li ku YouTube. Higulu lyo'buhinga buhyahya ubukakolesibwa kuno namuyehuulo, wangayandika naho mu Google igambo Ibufuliiru ugayamilonga imyazi mingi higulu lyago na hoshi howangagugwana.

Hakola no mulali ku bandu booshi na tugenderiri ukumenyesa abandi booshi abangasimisibwa no kukolera Ibufuliiru mu kuzamula indeto yiitu na yukwo tugwaase abandu biitu higulu tutayubagire indeto yiitu ne'takengeri yiji yubagirwa no'kutereka.

Mu ino video, Ayivugwe Kabemba ngisi ukagwajika umukolwa Tumenye Ibufuliiru, agweti agalalika ngisi muguma witu higulu tukolere mu buguma tuzamule indeto yiitu ne'mwitu.

Hayi twangalonga ibya guno mukolwa

Guno mukolwa guliri ku yeno namuyehuulo na handi hingi nganangana. Ahakola hohe ku zne haliri hano.

1. Namuyehuulo Tumenye Ibufuliiru. Lenga hano.

2. Ku Youtube. Lenga hano.

3. Ku Twitter. Lenga hano.

4. Ku Facebook. Lenga hano.

Nga Bafuliiru, twasima umukemyesa abandi tweshi hotuli, ku ngisi yeshi uwangasimisibwa nokutabala guno mukolwa, tukole na tube mubuguma.