Bami be'Bufuliiru

Kizunguza ikimuyerekana ishapo ya mwami

Ibufuliiru haliri handu ahaliri mu Territoire ye'Buvira(Uvira), mu Province ye Sud-Kivu, mu Kihugo kye' Congo(RDC). Abafuliiru baliri bandu abahatuziri. Biyijikini ukudeta kwo Abafuliiru baliri bandu abakahuuka i Lwindi. Ukudeta kwo abandu batule mu kuyuviwikana no kulonga ngisi abagakizi batwira imaja no kulonga abatwaali, Abafuliiru bakayamana, halinde ku zene bagweti abami. Bano bami bamutabala mu bindu bingi.

Ibwami imukolekera bingi, ibwami hali handu hahamu bweneene na ho lushagwa luhamu ku Mufuliiru.

Ikindu tukayibuuza, twanasima tulongere ishuvyo kuli kudeta kwo tumenye kushagira ikyanya kyoshi Umufuliiru aliri Mufuliiru, kera tukalonga abami banga? Kino kiliri kibuuzo kihamu bweneene kinabanini ukulonga ishuvyo. Tugirage kuti higulu tubamenye? Bikahuna tubuuze abandu bingi, twanayingira mu bihiiza Abafuliiru bagweti ku WhatsApp, na ngisi handi hoshi hotukashobola ukuhika ukudeta kwo tulonge imyazi igaba ikwanini. Ku zene imyazi yo'Mufuliiru ikayandikwa na'bandu be'mbunga, kwo kudeta abana'Mahanga, abaliri Bafuliiru. Bino binatume bigaba bikayu ukudeta kwo tulonge imyazi yooshi yotwangaloza higulu yabo abakagiyandika nabo byangaziga ukuba haliri imyazi batangasima kwo tulonge, banagiyigungire kwo nga yimwabo. Kandi li twangayiji gwanana kwo abandu bingi bakakolesa imyazi yo'kugererania naho mu kudeta kwo bakumanie imyazi yoshi yo'Mufuliiru. Bino biliri mu biguma ibitumiri Umufuliiru ku zene akola mubona kwo naye akoli kwanini ukukola bweneene higulu imyazi yage ibere mu lukerera ku yehe.

Mu hoshi tukalenga higulu lo'kubuuza, haguma bakatuyereka kwo Abami booshi be'Bufuliiru baliri ikumi na balinda(17) , ahandi banatubwira kwo baliri makumi gabiri na'bashatu(23). Ukudeta kwo tulonge ukuli biliri bikayu haliko tugagenderera ukulooza higulu tulonge ukuli kwoshi.

Mwangakizi zatira namuyehuulo witu higulu lyo'kumenya bwija ngisi byo'tugakiziba twalonga hano>>. Tugakizi genderera ukumenyesa guno mwazi ku kyanya tugakiziba twalonga ngisi umwazi muhyahya. Kongwa.

Guno guliri mwazi ugwayandikwa mukulooza ukuyerekana ngisi kwo'Mufuliiru akatwalwa, abami bage na ngisi kw'akanwiniini ukukola higulu atakishubiyiji yihumanan kwo agabuula imyazi iyangakoli bikwa mubwitonde na bwija.