Kihiiza kya'Bafuliiru ku WhatsApp: Ibufuliiru

WhatsApp

Isiku za zene zitakiri nge'siku izikalenga. Ikyanya kya Bashookulu, ukudeta kwo abandu baganule kandi li bamenye imyazi ya ngisi muguma no'gundi byali bindu bikayu byanalikizi huuna ukuyitanga bweneene. Ku balya ngisi abalituziri hala lya'babo, ukudeta kwo babonane gwalikiziba mukolwa muhamu byanalikizi huna umweete.

Balikizi yabira ulugeezi lye'binyenyerere, lywe'siku kandi amayinga ukudeta kwo bahikire ababo. Kiri no'kuzata kwalikiziba kugenda na'amagulu. Balikizi zata ahandu hala, balikizi yirirwa mu njira binahune bagweejere ngisi ho'balikiziba bahika. Yuko kuluha kwooshi kwangaba kwakiliziba naho kugendi menya imyazi ya ye'ngabo yabo. Bashokulu bakalenga mu byanya bikayu higulu ukudeta kwo ugagendi desa umundu uliri ku bilometre bilebe kwalikiziba kuyitanga kuhamu bweneene.

Ibija byo'buhinga buhyahya ku zene biliri bingi. Ukuzata ukuyashaga ahandu haguma ukugenda ahandi kiliri muba kyanya kinini. Ku zene ibindu ibimutugwaasa ukudeta kwo tugende tugazata biliri bingi. Mu yibyo twagadeta nge'mitukaniri, amakinga, i moto, i hanviyo, ne'bindi bingi. Bino byooshi bimuyiji tugwaasa ukudeta kwo tugenderere ukuhikira no kuba kuguma na'benewitu mu binyerere binini.

Kuguma na yibyo, haliri ikyanya nangabera njubi lozizi naho ukuhisa umwaazi buzira kuzata kandi li ukudeta kwo nihikire ngisi bandu bonilozizi ukuhikiza umwaazi. Ubuhinga bwokuganula bukola bwingi bweneene ku zene, binakola binovu nganangana ukudeta kwo abandu baganule. Ibija bya yubo buhinga buhyahya bitaliri bindi ngo'kutugwaasa tuhise umwanzi kwoshi kulya gwa'ngaba. Ku zene nangatuma umwazi muyandike, mw'izu, kiri ne'bizunguza kandi li ibizunguza ibimushagana byo'tuyiji nga video. Buno buhinga ubumutushoboza ukugira bino buliri mu byo'tumuhamagala Applications. Ku zene i applications zo'kutugwaasa tuganule zikola nyingi. Mu yizo ngisi iliri higulu inamukolesibwa na'bandu bingi bweneene iliri WhatsApp. Izindi ziliri nyingi. Mu yizo twangadeta nga : Signal, Telegram, Messenger, ne'zindi.

Twehe tugweeti tugakoleesa i WhatsApp higulu iliri novu ukukolesa, inakola mukolesibwa na'bandu bingi. Tugweeti ikihiiza kandi li ikiso tukahamgala Ibufuliiru, tulozizi tubike Abafuliiru tweeshi tubere haguma, tukizi hana imyazi, tuganule indeto yiitu, tukolere haguma, na yukwo tuzamule indeto yiitu.

Wangasima ukuba muguma witu?

Twabika kino kihiiza higulu kitugwaase tukizi berea kuguma. Wangaba wayuvwa kwo zino nzaliro ziliri nyija, unabere ulozi ukubera muguma wiitu. Tudese, tuyandikire. Tuliri hano higulu lyo'kudeta kwo tugwasanye, tuzamule indeto yiitu. Kongwa bweneene.

Lenga hano gira utudese:

• Tuyandikire hano>

• Zatira namuyehuulo Tumenye Ibufuliiru hano>

• Tuloze ku Facebook hano>

• Tuliri ku Twitter. Lenga hano>

Tulozizi tukole higulu tuzamule imwitu, abandu biitu ne'ndeto yiitu Kifuliiru.